திருட்டு பதிவும் ஏமாறும் பதிவர்களும்

பதிவர்களே நீங்கள் செய்வது சரியா?

எத்தனையோ சினிமாக்களை ஆங்கிலப்படத்தின்,ரஷ்யப்படத்தின் "காப்பி" "உல்டா" என்று வரிந்துகட்டிக்கொண்டு விமர்சிக்கும் சில வலைப்பதிவர்கள் உள்ளனர். ஆனால் வலைப்பதிவர்களில் அப்படி காப்பி அடித்து தன்னுடைய பதிவு போல் போட்டுக்கொள்ளும் சில பதிவர்களைப்பற்றி யாருமே எழுதுவது இல்லை. ஏன்?

என்று அர்ச்சனாவுக்கும் இந்திராவுக்கும் கடும் பின்னூட்ட வாதங்கள்

http://iamarchana.blogspot.com/2011/01/blog-post.html

சிலர் சொல்வார்கள், "ஏமாத்துறவனைவிட ஏமாறுறவனுக்கு தான் தண்டனை தரணும்" என்று. அது நம் ஜாக்கிரதை உணர்வுக்காக சொல்லப்படும் விஷயம். உலகம் ஏமாற்றக்கூடிய சக்திகளால் நிரம்பி வழிகிறது. நிச்சயம் நாம் தான் கவனமாக இருக்க வேண்டும். சாலையில் நடக்கும் போது, ஒரு கல் குத்தி விடுகிறது. நாம் என்ன சொல்வோம், "நான் கல்லை இடிச்சிட்டேன்" என்றா சொல்வோம். மாறாக "கல்லு இடிச்சிடுச்சு" என்று தான் சொல்வோம். அது தான் மனித மனோபாவம்.

நாமாக தேடி போய் ஒருவனிடம் பணத்தை போட்டு ஏமாந்து விட்டு, அவன் நம்மை ஏமாற்றி விட்டதாக சொல்வோம். ஏமாந்து விட்டோம் என்று சொல்வது அவமான கரமான சொல். ஏமாத்திட்டான் என்று சொல்வது, சற்றே கௌரவமான சொல்லாக கருதுகிறோமோ... ஏமாறுவதே சிலருக்கு வாடிக்கை. ஏமாற்றுவதே சிலருக்கு வேலை. இன்னும் சிலருக்கோ ஏமாறுவதும், ஏமாற்றுவதும் சரிசமமான வேலை .என்னை போல் இன்னும் சிலரோ ஏமாறுவதும் இல்லை... ஏமாற்றுவதும் இல்லை...

இதோ தீர்வு

இதை COPY & PASTE செய்து தனது பதிவை பாதுகாத்துக் கொள்ளவும் 

<SCRIPT language=JavaScript>
<!-- http://www.spacegun.co.uk -->
var message = "function disabled"; 
function rtclickcheck(keyp){ if (navigator.appName == "Netscape" && keyp.which == 3){ alert(message); return false; } 
if (navigator.appVersion.indexOf("MSIE") != -1 && event.button == 2) { alert(message); return false; } } 
document.onmousedown = rtclickcheck;
</SCRIPT>


function disabled என்றதை தாங்கள் விருப்பம்போல் மாற்றிகொள்ளலாம்

தயவுசெய்து என் போதைக்கு அர்ச்சனாவும் இந்திராவும் ஊறுகாய் ஆகிவிட்டார்கள் என்று மட்டும் நினைக்காதிங்க ப்ளீஸ் ..

முடிந்தால் எனக்கு ஒரு கமெண்ட் போடுங்கள் .

பெரியார் பேரன் , கருப்பு எம்.ஜி .ஆர் - பாதாளத்தில்

தமிழக அரசியலில் களம் கண்டவர்கள் எம்.ஜி.ஆர், சிவாஜி, எஸ்.எஸ்.ஆர், டி.ராஜேந்தர், பாக்கியராஜ், சீமான், கார்த்திக் ,சரத்குமார்  என்று பலர். இப்பட்டியலைக் கூர்ந்து கவனித்தால் ஒரு உண்மை புலப்படும். எம்.ஜி.ஆரைத் தவிர வேறு எவரும் சிவாஜி உள்பட அரசியலில் யாரும் எடுபடவில்லை என்பதே ஆகும். ஜெயலலிதா அரசியலில் களம் இறங்கும்போது அவர் ஒரு முன்ளாள் நடிகைதான். அதுவும் அவருக்கு என்று தனிப்பட்ட செல்வாக்கு ஏதுமில்லை என்பது அவர் தனியாக அதிமுக(ஜெ) அமைத்து போட்டியிட்டபோது ஏற்பட்ட படுதோல்வியும் பர்கூரில் தனிப்பட்ட முறையில் தோல்வியடைந்தபோதும் நிரூபிக்கப்பட்ட உண்மையாகும்.ராஜீவின் அனுதாபமும் ,எம்.ஜி.ஆரின் செல்வாக்கினால்தான் இன்றுவரை ஜெயலலிதாவின் அரசியல்வண்டி ஓடிக்கொண்டுள்ளது. கலைஞரை எடுத்துக்கொண்டால் அரசியலிருந்துதான் அவர் சினிமாவுக்கு வந்தார். டிசினிமாவிலிருந்து அரசியலுக்குச் சென்றவர் இல்லை என்ற உண்மையைப் புரிந்து கொள்ளவேண்டும்.

சரி, மக்களின் மகத்தான ஆதரவைப் பெற்று எம்.ஜி.ஆர் வெற்றி பெறவில்லையா ?அதேபோல் நானும் வெற்றிக்கொடி நாட்டுவேன் என்று விஜயகாந்த் நினைப்பாரானால் அது புலியைப் பார்த்து பூனை சூடு போட்டுக்கொண்ட கதையாகத்தான் முடியும்.

அன்றைய சூழலில் மக்கள் சினிமா கதாநாயகர்களைப் பார்த்ததற்கும் இப்போது பார்ப்பதற்கும் நிறைய வேறுபாடு உள்ளது. ஒரு காலத்தில் எட்டாக்கனியாக இருந்தது சினிமா. இப்போது தகவல் தொடர்புச்சாதனங்களால் கனவுத்தொழிற்சாலையின் அத்தனை தொழில்நுணுக்கங்ளும் சாதாரண பாமரனுக்குக் கூட அத்துப்படியாகியுள்ள சூழ்நிலை. இதை நடிகர்கள் நன்கு புரிந்துகொள்ள வேண்டும். ஆண்டிப்பட்டியும் அருப்புக்கோட்டையும் கூட முன்னேறி விட்டன. ஆண்டிப்பட்டியில் ஜெயலலிதா வெற்றி பெறுவது கூட முக்குலத்தோர் மற்றும் அதிமுக வாக்குவங்கியால் மட்டுமே! சினிமா கவர்ச்சியினால் அல்ல. சென்ற நாடாளுமன்றத்தேர்தலில் திமுக சார்பில் போட்டியிட்ட நடிகர் சரத்குமாரின் தோல்வியையும் கணக்கில் கொள்ள வேண்டும். அந்தக்காலத்தில் சினிமா கலைஞர்களுக்கு இருந்த அந்த மாயை இப்போது இல்லை என்பதே எதார்த்தமான உண்மை. அப்படி என்றால் இன்றும் நடிகர் நடிகைகளைப் பார்க்க பெரும் திரளான கூட்டம் திரளுகின்றதே எப்படி ? இதற்கு எளிதான விளக்கம் கொடுக்கலாம். ஒரு சர்க்கஸ் கம்பெனி சர்க்கஸ் நடத்தும்போது அதில் கோமாளிகள் வேடிக்கை காட்டுவார்கள். மறுநாள் சர்க்கஸ் முடிந்தபின் அக்கோமாளிகள் கடைவீதியிலோ அல்லது வெளியிடங்களில் செல்லும்போது அவர்களைச் சுற்றிப் பெருங்கூட்டம் காணப்படும். உடனே அவர்களுக்கு மக்கள் மத்தியில் பெரும் செல்வாக்கு என்று கூறமுடியுமா ? கோமாளிகளுடன் நான் நடிகர்களை ஒப்பிட்டுப் பேசவில்லை. ஒரு எடுத்துக்காட்டுக்குத்தான் கூறினேன். அதாவது, நம் மக்கள் தங்களைவிட யாராவது சற்று வித்தியாசமாக எது செய்தாலும் கூட்டம் போட்டுவிடுவார்கள். உடனே அதைக் கண்டு தப்புக்கணக்குப் போட்டுவிடக்கூடாது. அப்படித் தப்புக்கணக்குப் போட்டுத் தோல்வியைத் தழுவியர்கள் திரையுலகில் அதிகம். அந்தப்பட்டியலில் விஜயகாந்த் பெயரும் இடம் பெறுமா என்பதைப் பொறுத்திருந்துதான் பார்க்க வேண்டும்.

இந்த நிலையில், நடிகர் விஜயகாந்தின் சிந்தனைக்குச் சில கருத்துக்களை முன் வைக்கின்றேன். திரையுலகில் நீங்கள் சுறுசுறுப்பாகப் பணியாற்றிய காலங்களில் வராத இந்த நினைப்பு அதாவது அரசியலில் ஈடுபட்டு பதவியைப் பிடித்து பொதுச்சேவை செய்ய வேண்டும் என்ற இந்த நினைப்பு திரையுலகில் ஆடி அடங்கும் போது உருவாகியதேன் ? தற்போது அரசியலில் இல்லாமல்தானே மக்கள்சேவை செய்து வருகின்றீர்கள் அதையே தொடரலாமே! அது என்னமோ தெரியவில்லை.. வயது ஆகி சினிமாவிலிருந்து ரிட்டையர் ஆகும்போதுதான் உங்களைப் போன்றவர்களுக்குப் பதவியைப்பிடித்து மக்கள்சேவை செய்ய வேண்டும் என்ற ஆர்வம் பீரிட்டு எழுகின்றது. அப்படியே பார்த்தாலும் நீங்கள் மற்ற நடிகர்களை விட மிகுந்த செல்வாக்கு மிக்கவரா ? உண்மையில், ரஜினிதான், சிறுவர்கள், இளைஞர்கள், பெண்கள் பெரியவர்கள் என்று அனைவரின் மனதிலும் ஒரு தாக்கத்தை ஏற்படுத்தியவர். அவரின் குரலே இந்தத் தேர்தலில் அடிபாதளாத்திற்குச் சென்றுவிட்டநிலையில் உங்களைத் தூண்டிவிட்டுப் பாதாளத்தில் வீழ்த்தி விட நினைப்பவர்களிடம் நீங்கள் சற்று எச்சரிக்கையாகவே இருக்க வேண்டும்.

நடிகர் விஜயகாந்த்தும் தன்னைச்சுற்றியுள்ள அடிவருடிகளை ஒதுக்கித்தள்ளிவிட்டு உண்மையான நிலையை உணர்ந்து கொள்ள முன்வர வேண்டும். ரஜினி ஓடிஒளிகிறார் என்கிறீர்கள். உண்மையில் அவர் அரசியலை ஓரளவு உணர்ந்து கொண்டார் என்றே எண்ணுகிறேன். அதுதான் ஒதுங்கிச் செல்கிறார். கமல்ஹாசனைவிட நீங்கள் அதிகம் நற்பணி செய்வதாக எண்ணுகிறீர்களா ? அவர்களுக்கு எல்லாம் வராத பதவி ஆசை உங்களுக்கு ஏன்?

நடிகர் திலகம்டிசிவாஜியை விடவா உங்களுக்கெல்லாம் செல்வாக்கு ? உலகின் எந்த மூலையில் உள்ள எந்தத்தமிழனும் அறிந்த, நேசித்த ஒப்பற்ற நடிகர் அவர். மக்கள் திலகம் எம்.ஜி.ஆருக்கு இணையாகச் செல்வாக்குப் பெற்றவர் நடிகர் திலகம் சிவாஜி கணேசன்.

நடிகர் திலகம் சிவாஜி கணேசன் பொதுக்கூட்டங்களிலும் மக்களின் கட்டுக்கடங்காத கூட்டம்தான் காணப்படும். அவர் தமுமு என்ற தனிக்கட்சி ஆரம்பித்து 1989-ல் நடந்த சட்டமன்றத் தேர்தலில் அதிமுக(ஜா) அணியுடன் கூட்டணி அமைத்து அவரின் சொந்த மாவட்டமான தஞ்சையில் உள்ள திருவையாறு என்ற தொகுதியில் போட்டியிட்டார். அவரை எதிர்த்து திமுக சார்பாக நின்றவர் அப்போதுதான் முதன்முதலில் தேர்தல்களத்துக்கு வந்த ஒரு இளைஞர். திமுக தலைவர்கள் கூட சிவாஜிக்காக அதிதீவிரமாகப் பிரச்சாரத்தில் ஈடுபடவில்லை என்று அப்போது பேசிக்கொண்டார்கள். சிவாஜி வாக்குக் கேட்டு கிராமம் கிராமமாகச் சென்றார். செல்லுமிடங்கள் எல்லாம் அளவுக்குமீறியக்கூட்டம். இறுதியில் முடிவு என்ன தெரியுமா ? நடிகர் திலகம் சிவாஜி கணேசன் தோல்வியைத் தழுவினார்.

அப்போது, நடிகர்திலகம் ஒரு பேட்டியில் கூறியதை நினைவுப்படுத்துகின்றேன். “நான் ஓட்டு கேட்டு போறப்ப என்னைச் சுற்றியிருந்தவர்கள் எல்லாம், உனக்குத்தான் வெற்றி, உனக்குத்தான் வெற்றின்னு சொல்லிச்சொல்லி உண்மை நிலவரத்தை மறைச்சுட்டுங்க..ஆனா எனக்கு தேர்தல் நேரத்தில் ஒரு டீ க்கடை தம்பி அந்த உண்மையை அப்பவே புரியவைச்சுட்டார்” என்றார். தேர்தல் சமயத்தில், ஒரு மாலைப்பொழுதில் நடிகர் திலகம் வாக்கு கேட்டுச் சென்ற நேரத்தில் ஒரு கிராமத்திற்குச் செல்லும் வழியில் சாலையோர க்கடையில் டீ குடித்துவிட்டு, அந்தக்கடைக்காரரைப் பார்த்து, என்னப்பா வெற்றிவாய்ப்பு எல்லாம் எப்படி இருக்குன்னு கேட்டு இருக்கிறார். அதற்கு அந்தக்கடைக்காரர், ஐயா.. நீங்கதான் அய்யா ஜெயிக்கனும்..ஆனா.. உண்மை நிலவரம் அப்படி இல்லை அய்யா என்று கண்கலங்கிக் கூறியிருக்கிறார். அப்போதே அரசியலில் சுற்றியிருப்பவர்களை நம்பக்கூடாது என்ற உண்மையை தான் உணர்ந்துகொண்டதாக சிவாஜி பின்பு ஒரு பேட்டியில் கூறியிருந்தார். சிவாஜிக்கே இந்த நிலை என்றால் மற்ற நடிகர்களுக்கு இது ஒரு பாடமாக அமைய வேண்டாமா ?

நன்றி- பார்த்தி 

பேக் சாட் விஜயகாந்திற்கு சில கேள்வி

எம்.ஜி.ஆரின் தீவிர ரசிகன் என்று எப்பொழுதும் பீற்றிக்கொள்ளும் விஜயகாந்தே எதற்காக, எந்த காரணத்திற்காக எமது தலைவர் கலைஞர் கருணாநிதி கையினால் தாலி கயிறினை வாங்கி உங்கள் அருமை மனைவிக்கு கட்டினீர்?

பொங்கல் பையைப் பார்த்துதான் உதயசூரியன் தி.மு.க வின் சின்னம் என்பதை மக்கள் தெரிந்து கொள்ள வேண்டியதில்லை 

உதயசூரியன் படம் ஏன் இடம்பெறுகிறது எனக் கேட்கும் இந்த அறிவாளி…

அம்மையார் ஜெயலலிதாவின் பெயரில் போக்குவரத்துக் கழகமும், திரைப்பட நகரமும் இருந்தபோது இவர் எங்கே போயிருந்தார்?

உத்தமரான உங்களுக்கு அன்றைக்கு எங்கள் கலைஞர் பற்றி தெரிய வில்லையா.?

என்னமோ வானத்தில் இருந்து குதித்த கடவுள் மாதிரி பேசிக்கொண்டே போகிறீர்.

மக்களுக்கு எதுவும் தெரியாது என்று நினைத்துக்கொண்டு இருக்கிறீரோ ?.

நீங்கள் பேசிய பேச்சுக்கு ஒரு நாள் கண்டிப்பாக ஒரு பலனை அனுபவிக்க வேண்டிய காலம் வரும்.

அப்பொழுது நீங்கள் உணர்வீர்கள். ஆனால் காலம் கடந்த உணர்வாக இருக்கும்.

"சில்லரை" பிரச்சனைகளுக்காக

அன்பிலார் எல்லாம் தமக்குரியர், அன்புடையார் என்றும் உரியர் பிறர்க்கு

குறள் பற்றிய விளக்கம் நான் புதிதாக சொல்ல தேவையில்லை

காலை வீட்டிலிருந்து கிளம்பினேன் வரும் அவசரத்தில் சில்லரை காசுகளை எடுக்க மறந்துவிட்டேன். டீ கடையில் டீ குடித்து முடித்த பின்தான் தெரிகிறது சில்லரை காசுகள் இல்லையென்று . சரி இது ஒரு பெரிய பிரச்சனை இல்லை என்று நினைத்து , கடையில் ருபாய் நோட்டை கொடுக்கும்போது கடைக்காரரின் முகம் மாறியதே அப்பப்பா ........(காட்பாதர் படத்தில் மர்லின் பிராண்டோ கோபப்படுவார் தெரியுமா!  இவர் அதையும் மிஞ்சிவிட்டார் )  என்னடா இது! இதற்கு போய் ஏன் இவர் இவ்வளவு கோபம் அடைகிறார் என்று எண்ணினேன் . இவர் மட்டும்மல்ல இந்த சில்லரை பிரச்சனைக்காக நாட்டில் கோபப்படும் இன்னொரு சமுகம் பேருந்து நடத்துனர்களும் கூட.

சரி , அவர்கள் தினிப்பட்ட கோபம் அதில் நாம் தலையிட வேண்டாம் . ஆனால் மற்றொரு நாள் அதே கடைக்காரர் ஏன் அதே நடத்துனர் கூட சிரித்து கொண்டே சில்லரை கொடுப்பார்கள் , பின்புதான் ஒரு விசயம் நன்கு புரிந்தது , அவர்கள் என் மீதோ சில்லரை காசுகள் இல்லாமலோ கோபப்படவில்லை . அவர்கள் மீது யாரோ ( மனைவி , நண்பர்கள் , வழிபோக்கர்கள் , குழைந்தைகள் ,பெற்றோர் , உடன் பணிபுரிவோர் ........) ஒருவர் காட்டிய கோபத்தின் வெளிபாடுதான் அவர்கள் தன்னையே அறியாமல் மற்றவர்கள் மீது காட்டுகின்றனர் . இந்த பிரச்சனைகளின் பிரமாண்டமான வெளிப்பாடுகள்தான் இந்த உலகில் நடந்த பெரும் பிரச்சனைகளின் அடி நாதம் .

செய்தி தாளை புரட்டும் போது பலவிதமான கலவரங்களையும் , பிரச்சனைகளையும் பார்க்கிறோம் , எல்லாவற்றிக்கும் தொடர்பான ஒரே காரணம் யாரோ ஒருவரின் மிதமிஞ்சிய கோபமாகத்தான் இருக்கும். யூதர்கள்  மீது ஹிட்லர் என்ற தனிப்பட்ட மனிதனின் கோபம் இரண்டாம் உலகப் போரில் பெரும் பங்கு ஆற்றியது ஏதோ ஒரு சில தனிப்பட்ட மனிதர்களின் கோபம் இன்றுவரை "இந்து-முஸ்லீம் " என்ற இரு வார்த்தைகளுக்கு இடைப்பட்ட கோட்டை நாம் சண்டை என்றே நினைக்கிறோம். இஸ்ரேல் -பாலஸ்தீனம் இப்படி உதாரணங்கள் பல பல , இவற்றை இந்த ஒரே பதிவில் அடைக்க முடியாது . சரி ஏன் இந்த நிலைமை எதை நாம் தொலைத்தோம் ?

ஆம் நாம் அனைவரும் மிக முக்கியமான ஒன்றை தொலைத்துவிட்டு வெகு நாட்களாக தேடி கொண்டே இருக்கிறோம் . அது ஒன்றும் கிடைக்காத பொருள் அல்ல , கடையில் கிடைக்கும் பொருளும் அல்ல .. பணம் கொடுத்து வாங்கும் பொருளும் அல்ல ... ஆனால் விலை மதிக்கமுடியாத ஒரு உணர்வு . ஆம் நாம் அன்பு என்ற ஒரு உணர்வை தொலைத்துவிட்டதன் வெளிப்பாடுகள்தான் இவை அனைத்திற்கும் ஒரே காரணம் . அந்த டீ கடைகாரரும் சரி நடத்துனரும் சரி அவர்கள் அச்சமயம் யாரோ ஒருவரிடத்து எதிர்பார்த்த அன்பு மறுக்கப்பட்டு இருக்கிறது அதனால் அவர்கள் என்னிடம் அதை தர மறுக்கப்பட்ட அன்பை அச்சமயம் நான் பிறருக்கு தருவதில்லை . இந்த "அன்பு பாராட்டுகள் " தான் எல்லா பிரச்சனைகளுக்கும் ஒரே தீர்வு . உங்களை ஒன்றும் பக்கத்து மளிகை கடையில் வாங்கி கொடுக்க சொல்லவில்லை . மனித உணர்வின் மிக முக்கியமான ஒரு பொக்கிஷம் "அன்பு" அது உங்களுக்குள்ளேயே இருக்கிறது . பிறரிடம் கோபப்படும் முன்பு அவர்களிடம் நாம் ஏன் அன்பு காட்டகூடாது என்று எண்ணுங்கள் , சற்று சிந்தித்து பாருங்கள்.

              இனிமேலாவது "சில்லரை" பிரச்சனைகளுக்காக கோபப்படாமல் இருப்போம்

எல்லா வாழ்த்துக்களும் ரகுமானுக்கே

இந்தியத் திரையிசை மேதைகளில்

 இந்திய இசையை எல்லைகளைக் கடந்து உலகப் புகழ்பெறச் செய்த மேதை "சென்னையின் மொஸாட்" என செல்லமாக அழைக்கப்படும்

ஏ. ஆர். ரஹ்மான்

     ஆரம்ப காலத்தி கீ போர்டு வாசித்து வந்த ரஹ்மான் தனது 11வது வயதில் இளையராஜாவின் குழுவில் சேர்ந்தார். பின்னர் எம்.எஸ்.விஸ்வநாதன் மற்றும் ரமேஷ் நாயுடு ஆகியோரின் இசைக் குழுவிலும் பணியாற்றினார். ஜாகிர் உசேன் மற்றும் குன்னக்குடி வைத்தியநாதன் ஆகியோருடன் இணைந்து உலகம் முழுதும் இசைப்பயணம் மேற்கொண்டார். ஆக்ஸ்போர்டு பல்கலைக்கழகத்தின் டிரினிட்டி கல்லூரியில் உதவித்தொகை பெற்று, மேற்கத்திய இசையில் இளநிலை பட்டம் பெற்றார் 1991ல் தனது வீட்டை ஒட்டியே தனியாக ஸ்டூடியோ ஆரம்பித்த ரஹ்மான் ஆரம்பத்தில் விளம்பரங்களுக்கும், தொலைகாட்சிகளுக்கு இசை அமைத்து வந்தார். 1992ல் முதன் முதலாக இயக்குனர் மணிரத்தினத்தின் 'ரோஜா' படம் மூலம் இசையமைப்பாளராக தமிழ் திரையுலகில் காலடி எடுத்து வைத்தார். இப்படத்திற்கு இவர் வாங்கிய சம்பளம் ரூ.25,000 

2020இற்குள் வறுமையை இந்தியாவிலிருந்து விரட்டும் நோக்குடன் இவரால் "A. R. Rahman Foundation" எனும் சேவை அமைப்பும் நிறுவப்பட்டுள்ளது. இதில் எவ்வினத்தவர்க்கும் பாரபட்சமில்லாது ஏராளமான உதவிகள் தாராளமாக வழங்கப்படுகின்றது.

இந்த சாதனை மன்னன், வெற்றியின் மற்றொரு பெயரான 'ரஹ்மான்' பல்வேறு விருதுகளை வென்றுள்ளார். அவர் பெற்ற விருதுகளில் சர்வதேசப் புகழ்வாய்ந்த விருதுகளின் பெயர்களை மட்டும் நான் இங்கு குறிப்பிடுகின்றேன்.

                                                                             

ரஹ்மான் Oscar விருதுகளுடன்...

ரஹ்மான் பெற்ற முக்கியமான விருதுகள் பற்றிய விபரம் வருமாறு:-

* Grammy விருது- 2 முறை

* MTV Asia விருது- 2 முறை

* MTV வீடியோ இசை விருது- 1 முறை

* Academy விருது- 2 முறை

* BAFTA விருது- 1 முறை

* Golden Globe விருது- 1 முறை

* Golden Globe விருது- 1 முறை

* Satellite விருது- 1 முறை

* World Soundtrack விருது- 1 முறை

* தேசிய திரைப்பட விருது- 4 முறை

* Filmfare விருது- 14 முறை

* Filmfare(தெற்கு) விருது- 12 முறை

* தமிழ்நாடு மாநில விருது- 6 முறை

* விஜய் விருது- 1 முறை

* Oscar விருது- ஒரே தடவையில் 2 விருதுகள் பெற்றார்.

இதை எழுதும்போதுதான் இவ்வருடம் ரஹ்மானுக்கு "பத்மபூஷன்" விருது கிடைத்துள்ளதாக அறிந்தேன். இவை தவிர இவர் பெற்ற விருதுகள் இன்னும் ஏராளமாக உள்ளன. அதில் மிக முக்கியமாகக் குறிப்பிட வேண்டியது Anna, Aligarh மற்றும் Middlesex ஆகிய பல்கலைக் கழகங்கள் இணைந்து ரஹ்மானுக்கு "டாக்டர்" பட்டம் வழங்கியதாகும்.

எத்தனை புகழ் தன்னைத் தேடி வந்தாலும் அத்தனையையும் இறைவனிடமே அர்ப்பணித்துவிட்டு "எல்லாப் புகழும் இறைவனுக்கே" எனும் கொள்கையுடன் வாழ்ந்துவரும் இவ் இணையில்லாக் கலைஞன் அண்மையில் தனது 44வது பிறந்த தினத்தைக் கொண்டாடினார். அவரை நானும் நீங்களும் பல்லாண்டு காலம் வாழ வேண்டுமென வாழ்த்தினால் தப்பேதுமில்லையே?

இனவெறியும், இலங்கையும் வீழும்

மனித நாகரிகம்

பல லட்சம் ஆண்டுகளுக்கு முன் விலங்குகளிடமிருந்து வேறுபட்டு தோன்றிய மனித இனம், நிறம் ,நாடு , மதம், மொழி , மற்றும் ஜாதி வரியாக பிரிந்து மண்ணிலும் விண்ணிலும் சாதனைகள் பல புறிந்து இயற்கையின் சவால்களை எதிர்கொண்டு இன்று இருபத்திஒன்றாம் நூற்றாண்டில் சர்வதேசிய வாதத்திற்கு தயாராகிவிட்டது ஆனால் அறிவால் சாதித்த மனிதன் தன் மனதால் மிருங்கங்களை விட கீழ் நிலைக்கு சென்றுவிட்டான். மனித வரலாற்றில் நடத்த போர்களும் இன படுகொலைகளும் அது சார்ந்த பாலியல் வன் கொடுமைகளும் நமக்கு அதை உணர்த்துகின்றன .

ஆக்கிரமிப்பும் அடிமை முறையும்

ஆதியில் சிறு குழுக்களாக வாழ்ந்த மனிதஇனம் உழைப்பாளிகளாகவும் நிர்வாகியாகவும் தனியாக செயல்பட்டது பின்னர் நிர்வாகிகள் குறுநில மன்னர்களாகவும் அதன் பின் அடத்த குழுக்களை ஆக்கிரமித்தும் தன் ஆரம்பபகால போர்களை தொடங்கிவைத்தது மனிதனின் ஆக்கிரமிப்புகளுக்கு முதல் பலி பெண்களாக இருந்தார்கள் . டாக்டர் ஹெகல் என்ற தத்துவ அறிஞர் இதை முழுமையாக விவரிதிர்ருகிறார், பெண்கள் விலங்குகள் மற்றும் பண்ணைகளை ஆக்கிரமித்த மனிதர்கள் அங்கே அடிமைகளை உருவாகினார்கள் , தம்மை கிழ்படிய மருத்துவர்களை கொன்றும் பாமரர்களை அடிமைபடுத்தியும் தம்முடைய அடுத்த வேட்டைக்காக ஆயுதங்களை நவீனபடுத்தியும் இருக்கிறார்கள் இப்படியாக மனித சமுதாயத்தின் அறிவு வளர்ச்சியும் மனரீதியான இருண்ட பக்கங்களும் ஒரே அளவில் வளர ஆரம்பித்தன .

உலகின் நாகரீக கொட்டில்கள்

ஐந்தாயிரம் வருடங்களுக்கு முன் திராவிட நாகரீகம் கலை பொருளாதாரம் அயல்நாட்டு வர்த்தகம் மற்றும் உள்கட்டமைப்பு துறைகளில் மேல்லோங்கி இருந்த காலகட்டத்தில் நாகரீகம் அறிவு என்றால் என்ன என்று கூட உணராத வெள்ளையர்கள் பதினாறாம் நூற்றாண்டில், நீ மாடு மேய்கத்தான் போவாய் என்று ஆசிரியரிடம் திட்டு வாங்கிய ராபர்ட் கிளைவ் என்ற அதிகாரி முலமாக இந்தியாவை மெதுவாக கபளீகரம் செய்தது . அவர்கள் மொழி ,மதம் மற்றும் கலாச்சார ரீதியாக இந்தியாவை அடிமைகொன்டர்கள் . நடை ,உடை , பாவனை மற்றும் பேச்சு திறனில் மிகவும் நாகரீகமடைந்த லண்டன் மா நகரிலே பதினேழாம் நுற்றாண்டு வரை ஆப்ரிக்க நாடுகளிருந்து கறுப்பின மக்களை கழுத்தில் வளையம் மாட்டி நாய்களை போல் இழுத்து வந்து லண்டன் மாநகர வீதிகளில் அடிமை சந்தை நடத்தினார்கள் இதுவே அமெரிக்காவிலும் ஆப்ரகாம்  லிங்கனுக்கு முன்புவரை நடந்தது .அதன் பின் பத்தொன்பதாம் நூற்றாண்டின் ஆரம்பத்தில் மனிதனை அடிமை கொள்வது தவறென்று சர்வதேசிய சமூகத்தால் எற்றுகொள்ளபட்டது (இன்றும் நம்நாட்டில் கல் குவரிகளிலும் தீப்பெட்டி தொழில்சாலைகளிலும் இது தொடர்கிறது) 

இன அழிப்பு வேட்டைகள் 

அடிமை முறையை ஒழித்த சமூகத்தால் தன் பகையுணர்வையும் போர்க்குற்றங்களையும் ஒழிக்க முடியவில்லை . அலக்சாண்டர், நெப்போலியன்,ஹிட்லர் ,முசோலனி,போல்பாட் ,ராஜபட்சே என்று சர்வதேச கொலைவெறியர்களின் பட்டியல் இன்றும் தொடர்ந்துகொண்டுதான் இருக்கிறது . மனித இனத்தின் நாகரீக வளர்ச்சியின் ஆரம்பத்தில் இதுபோன்று பல இனங்கள் முற்றிலுமாக அழிக்கபட்டது . கணிதத்திலும் வானசாத்திரத்திலும் தேர்ச்சி பெற்ற மாயன் இன மக்கள் சூனியகாரர்கள் என்ற முத்திரை குத்தப்பட்டு கத்தோலிகர்களால் உயிரோடு கொளுத்தப்பட்டனர் , அதன் பின் யூத இனத்தின் மீது ஹிட்லரும் கல்வி கற்ற நகரதவர்கள் மீது கம்போடிய அதிபர் போல்பாட்டும் நவீன முறையில் கொலை வெறியை அரங்கேற்றினர் , இன்று அவர்கள் கொள்ளு பேரன்னான ராஜபக்சேயும் அதே செயலை அதைவிட தீவிரமாக ஈழ மக்களிடம் நடத்துகிறார் .

வன்முறையும் பாலியல் கொடுமைகளும் 

இரண்டாம் உலக யுத்ததிற்கு முன் ஹிட்லர் யூத இன அழிப்புக்காக தம் நாட்டு

நிதி நிலை அறிக்கையில் இருபது சதவீதத்தை ஒதுக்கினர் . அதற்காக பல கொலை தொழிற்சாலைகளும் கொலை செய்ய தேர்ச்சி பெற்ற பல கொலையாளிகளும் பணியில் அமர்த்தப்பட்டனர் அதற்காக தனி கணக்கியல் துறையும் வெளியுறவு துறை அமைச்சர் கோயபல்ஸ் தலைமையில் நிறுவப்பட்டது . அவர்கள் யூதர்களின் கைகளில் வளையம் மாட்டி அவர்களை சித்திரவதைகுள்ளாகி எரித்து சாம்பலாகிய பின் அந்த வளயங்களை கணக்கியல் துறைக்கு தரப்படும் , அதன் எண்ணிக்கை படி அவர்கள் பதிவு செய்வார்கள் இறந்தவர்களின் தலை முடிகள் மட்டும் ஒன்றரைடன் டன் உர தொழில் சாலைக்காக சேகரிக்கப்பட்டது . போரின் முடிவில் ஹிட்லரின் வீழ்ச்சிக்கு பின் பெர்லின நகருக்குள் நுழைந்த ரஷ்ய வீரர்கள் அவர்களை உற்சாகமாக வரவேற்ற ஜெர்மானிய மக்கள் சுமார் அறுபதாயிரம் பேர்களை கொடுமைபடுத்தி கொலை செய்தது மனித வரலாற்றின் இழுக்கின் உச்சமாகும் , தாயை மகனையும் , தந்தையை மகளையும் சகோதரனை சகோதரியையும் , புணர செய்தும் , பெண்ணுறுப்புகளில் துப்பாக்கியை நுழைத்தும் , மார்பகத்தை அறுத்து எறிந்தும் மிருகங்களே வெட்கப்படும் அளவில் வேட்டையாடினார்கள் இன்று அதே காரியத்தை ராஜபக்ச தலைமையிலான சிங்கள ராணுவம் செய்துகொண்டு இருக்கிறது . பிடிபடும் போராளிகளையும் , சந்தேகத்திற்குள்ளாகும் பொதுமக்களை நிர்வாணபடுத்தியும் பெண்களை கற்பழித்தும் கொடுமையாக வேட்டையாடும் சிங்கள ராணுவத்தையும் அதன் தலைவர்களையும் மனிதர்களாக மாற்றும் பொறுப்பு யாருக்கு உள்ளது ?

வாழு வாழவிடு 

ஜெர்மனியில் வாழ்ந்த சிறந்த மனோதத்துவ நிபுணரான டாக்டர் சிக்மென் பிராய்டு என்பவர் மனித மனதை பற்றி சிறப்பாக பகுதாயிந்து உள்ளார் , காமமும் , வன்முறையும் மனித மனதின் இருபக்கங்கள் ஆனால் இரண்டும் ஒன்று சேரும் பொழுது மனிதன் மிருகமாகிறான் என்கிறார். இது இலங்கை படுகொலைகளில் தெளிவாக புரிகிறது இப்படி மனித வேட்டையாடும் மனித மிருகங்கள் தாங்கள் வாழ்க்கையிலும் சர்வதேச சமூகத்திலும் முற்றிலுமாக தோல்வி அடைகிறார்கள் . அழிக்கப்பட்ட தமிழினம் மட்டும் பரிதாபமானதல்ல , அதை அழித்த சிங்களர்கள் அதை விட பரிதாபமானவர்கள் . புத்த மதத்தை பின்பற்றுவதாக கூறிக்கொள்ளும் அவர்கள் வன்முறை இருளின் உச்சத்தில் இருக்கிறார்கள் . அவர்கள் தமிழினத்தை அழித்து இருக்கலாம் ஆனால் தங்கள் மன வக்கிரங்களை அழிக்க முடியாது , அதோடுதான் அவர்களின் மனைவி மக்களோடும் , சமூகத்திலும் வாழவேண்டிஇறுக்கும் அது மட்டுமன்றி அவர்களிடமிருக்கும் வன்முறை நச்சு அவர்கள் வாரிசுகளிடம் பல மடங்கு வீரியமாக வெளிப்படும் , இன்னும் இரண்டு தலைமுறைகளுக்குள் சிங்கள இனமென்று ஒன்று இருந்ததென்பதை உலக மக்கள் பதிவுகள் மூலமாகத்தான் தெரிந்துகொள்ளவேண்டி வந்தாலும் ஆச்சரியபடுவதற்கில்லை. இன்று ஒரே இனத்துக்குள் அடித்து மாண்டுகொள்ளும் எதியோப்பியா மற்றும் சோமாலிய நாடுகளை போல் நாளை இலங்கையும் மாறலாம் .

உன்னை உணர்ந்துகொள் 

இது புகழ் பெற்ற சக்ரடீசை தத்துவஞானியாக ஏற்றுக்கொண்ட டெல்பி டேம்பிளின் வாசகமாகும் . மனிதனின் விஞ்ஞான அறிவு செவ்வாயையும் மற்ற கோள்களையும் அறியும் முன் தன்னை அறிந்துகொள்வதாகும் மனிதனின் மரணம் எந்த வழியாக வேண்டுமானாலும் இருக்கலாம் ஆனால் பிறப்பு ஆண் பெணுடைய அன்பான சேர்க்கை எனும் ஒரே வழிதான் . அதனால் அன்பு ஒன்றே அவன் இயல்பு , ஆனால் அதை விட்டு மனித சமுகம் மிகவும் இருளடைந்த சூழ்நிலைக்கு சென்றுவிட்டது . அதை மீண்டும் இயல்பு நிலைக்கு திருப்புவது நம் அனைவருடைய மட்டுமல்ல இது சவதேச சமுதாயத்தின் கடமையாகும் . புத்தன், போதிசத்வர் , மகாவீரர் , போன்ற மகான்களும் கத்தியின்றி ரத்தமின்றி அகிம்சை போர்புரிந்து நமக்கு சுதந்திரம் பெற்று தந்த அண்ணல் காந்தியடிகள் பிறந்த நாடான இந்தயாவில் பிறந்த நாம் அனைவருமே அன்பையும் , சத்தியத்தையும் உலகிற்கு போதிக்க தகுதி உள்ளவர்களாக இருக்கிறோம் . அந்த செயலை நமது குடும்பம், நண்பர்கள் மற்றும் நமது சமுதாயத்திடமிருந்து தொடங்குவோம் . நன்றி .....

பெண் - ஒரு போக பொருள்

பெண் ஒரு போக பொருள் அல்ல , பல போகங்களாக உலகை இயக்கிகொண்டிருக்கும் ஜீவன் .அறுவடை செய்த பின் நிலத்தில் இருக்கும் தாளிலிருந்து விளையும் பயிர் ஒரு போகம் எனப்படும், அதுபோலவே  இவ்வுலகில் வாழ்ந்தும் நம்மை வாழ்வித்தும் கொண்டிருப்பவளே பெண் .

தாய் என்ற ஒரு தெய்வம் வீட்டோட இருக்கு

நீ தனி தனியா கோவில் குளம் அலைவது எதுக்கு...????

ஆண்களுக்கு ஈடாக பெண்களும் அனைத்து துறைகளிலும் சம அந்தஸ்து உள்ளவர்கள் என எழுத்துருவில் சட்ட வரைபுகள் இருந்தாலும் நடைமுறையில் அதனைச் செயற்படுத்துவது அவரவர் கைகளிலேயே தங்கியுள்ளது. அதிகாரம் என்பது யாரும் வந்து அள்ளித்தருவது அல்ல தாங்களாக தங்களின் ஆளுமைக்கு ஏற்ப எடுத்துக் கொள்வதுதான். தமிழர்கள் பெண்களினைப் பொறுத்தவரை ஆண்களைவிடவும் முக்கியத்துவம் கொடுக்கின்றனர்.

பெண்களின் முன்னேற்றத்திற்கும் சமூகத் தலைமை தாங்கலுக்கும் சில பிற்போக்கு சிந்தனையுள்ள ஆண்கள் தடையாக அமைந்ததாலும் அதிகம் பெண்களின் தாழ்வுமனப்பாண்மையும் ஏனைய பெண்களுமே தடையாகவுள்ளனர். தாழ்வு மனப்பாண்மையைத் தகர்த்தெறிய பெண்கள் பெண்கள் அமைப்புக்கள் பலவற்றின் செயற்பாடுகளால் ஓரளவு நிவர்த்தி செய்தாலும் பெண்களுக்கான பெண்களின் தடைகளை நீக்க பெரும் வழிப்பூட்டல் தேவை. சக பெண்களுக்கெதிரான வன்முறைகளையும் வசைபாடல்களையும் பெண்களே தவிர்க்கவேண்டும். சமூக முன்னோடியாக பெண் முன்வரும்போது பெண்கள் ஊக்கப்படுத்த வேண்டுமே தவிர முறையற்ற மனச் சலனங்களை ஏற்படுத்தும் சம்பவங்களைத் தூக்கி வீச வேண்டும்.

 வரலாற்று ரீதியில் வளர்ந்து முற்றி கனிந்துப் போயிருக்கும் பெண் விடுதலைக்கூறுகள் வரலாற்று ரீதியான உண்மைகளையும் தகர்ப்புகளையும் கொண்டே உடைத்தெரியப்பட வேண்டிய தேவை இன்று பெண் விடுதலை பேசும் அனைவரினதும் பொறுப்பாக காணப்படுகின்றது. ஒருவர் சட்டென்று முளைத்த காளாண் போன்று பெண் விடுதலைப் பற்றி பேசவோ, எழுதவோ, நடைமுறைப்படுத்தவோ இயலாது. அதில் யதார்த்தமும் காணப்படாது. அது பெண்ணை வரலாற்றில் தவறாய் புரட்டிப்போட்ட அத்தனை விடயங்களிலிருந்து மீட்டெடுக்க வேண்டிய தேவையை உணர்த்துகின்றது.

அது கருத்தியல்கள், சம்பிரதாயங்கள், பழக்கவழக்கங்கள், கலாசாரங்கள், பண்பாடுகள், அரசியல், மொழி, பொருளாதாரம், சமூகம் என்பவற்றின் அடிப்படையிலும் மெதுவாக கட்டியெழுப்பப்பட்டுள்ளது. அதனை மிகச் சீக்கிரமாய் திருப்பிப் போட முடியாது. படிப்படியாக எடுக்கப்படும் எத்தனங்களாலே அவற்றை புரட்டிப்போடும் பணியை தொடர்தல் வேண்டும். வேறுவேறான சமூக நடைமுறை சார்ந்த யதார்த்த நிலமைகளை சரியான முறையில் அணுகிப்பார்ப்பதன் மூலம் அவற்றை வெற்றி கொள்ளமுடியும்.

அரசியலிலும் பெண்களின் பிரவேசம் அதிகரிக்கப்பட வேண்டும் அப்போதுதான் பெண்களின் குரல் ஒலிக்க முடியும். இன்றைய தொலைக்காட்சி நாடகங்களை தொடர்ந்து பார்த்தால் பெண்கள் மத்தியில் ஆளுமை வளர்வதற்கு குரோத உணர்வுகளே அதிகம் வெளிப்படுத்தப் படுகின்றது. மாமியார்,மருமகள் கொடுமை அக்கா,தங்கை திருமணச் சண்டை, பரம்பரைச்சண்டை எனத் தொடர்கின்றது. எனவே இவைகளைத் தவிர்த்து ஆக்கபூர்வமான சிந்தனைகளை வளர்த்துக் கொள்ளவேண்டும்.

மேலேத்தேய நாடுகளில் காணப்படும் அதே அமைப்பு முறைகளை மிகச் சாதாரணமாய் வாழும் பெருந்தோட்ட உழைப்பாளப் பெண்களிடம் பிரயோகப்படுத்த முடியாது. அவர்களுக்கேற்ற அனுபவ ரீதியான நடைமுறைகளைக் கொண்டே அவற்றைப் பேசத்துணியவும் வேண்டும். திடீரென மேலைத்தேய பெண் விடுதலைக்கூறுகளை நாம் கீழேத்தேய நாடுகளுக்கு பிரயோகிக்க முடியாது. எனவே அவற்றை முறையாக சிந்தித்து தொடர வேண்டியது அவசியமாகும். இவ்வடிப்படையிலேயே நாம் பெண்ணியம் சார்ந்த சிந்தனைகள், விடுதலைகளையும் நாம் முன்னெடுக்க வேண்டும். சமூக விடுதலைக்கூறுகளையும், மாற்றங்களையும் பெண் விடுதலையுடன் இணைத்துக்கொள்வதில் ஆண்களாலும் அது பேசப்பட வேண்டிய கருத்தாக பரவ வேண்டியதும் அவசியமானதாகும்.

இன்றைய பெண்ணியல்வாத அமைப்பு பெண்களுக்கேற்படுகின்ற ஒடுக்கு முறைகளை பொதுவாகவே ஆண், பெண் முரண்பாட்டை மட்டுமே கருத்திற் கொள்கின்றனர். முனைப்பாக காணப்படும் ஒரு விடயத்தினை மட்டும் தூக்கிப்பிடித்துக் காட்டுவதென்பது சமூக விடுதலைக்கு இட்டுச் செல்லாததாகி விடுகின்றது. அது பின்னிலைவாத நிலைப்பாடாகவும் காணப்படுகின்றது. அவற்றிலிருந்து விடுபட்டு நடைமுறை சாத்தியமற்ற விடயங்களிலும் பெண்ணிலைவாத சிந்தனைகளை முன்னெடுப்பதென்பது இயலாத காரயமாகிறது.

விஞ்ஞான ரீதியாக வளர்ந்து வருகின்ற உலகின் நடைமுறை, அனுபவம் என்பது நாளுக்கு நாள் வரலாற்றின் பாதைகளை சரியாக இனங்கண்டு வெற்றிபெற வேண்டியதாகின்றது. இங்கு ‘மாக்ஸ்’ கூறிய குடும்ப அமைப்புப் பற்றிக் கூட நாம் சிந்திக்க வேண்டியுள்ளது. குடும்பம் என்பதில் உழைப்பு சுரண்டப்படுவதும், தனி மனித ஆதிக்கம் செலுத்தப்படுவதும் என்பதிலிருந்து விடுதலையே இங்கு பேசப்பட்ட விடயம். அவற்றைப் பிய்த்து சுழற்றி எறிந்துவிட்டு தனிமனித சொத்துரிமை வேண்டப்படுவது விடுதலையல்ல என்பதனை நாம் தெளிவாக விளங்கிக் கொள்ளல் வேண்டும். தீவிர பெண்ணியல்வாதிகள் இதற்கப்பாற்பட்டும் செயற்படுவதும் நமக்குத் தெரிந்ததே.

தமிழ்நாட்டில் 1929 ஆம் ஆண்டு ஈரோட்டு சிங்கம் தந்தை பெரியார் அவர்கள் செங்கல்பட்டில் நடைபெற்ற சுயமரியாதை மாநாட்டில் பெண்களுக்கு சொத்தில் சம உரிமை வழங்க தீர்மானம் நிறைவேற்றினார். இதனை 60 ஆண்டுகள் கழித்து 1989 ஆம் ஆண்டு மகளிருக்கு சொத்தில் சம உரிமையினை சட்டமன்றத்திலேயே ஒரு தீர்மானமாக கொண்டு வந்து நிறைவேற்றியவர் தான் தலைவர் கலைஞர். பெண்களுக்கு திருமண உதவித் திட்டத்தை 1989 ஆம் ஆண்டு ரூ.5 ஆயிரம் என வழங்கி, 1996 ஆம் ஆண்டு ரூ. 10 ஆக உயர்த்தி வழங்கினார். 

தமிழகத்தில் ஆட்சி மாற்றங்கள் ஏற்பட்ட போதெல்லாம் இத்திட்டம் கைவிடப்பட்டது. மீண்டும் 2006 ஆம் ஆண்டு ஆட்சிக்கு வந்தால் ரூ.15 ஆயிரம் வழங்குவோம் என தேர்தல் வாக்குறுதியாகவே அளித்து அதனை கலைஞர் அவர்கள் நிறைவேற்றினார். ஓரிரு ஆண்டுகளுக்கு பின் ரூ.20 ஆயிரமாக உயர்த்தினார். தற்போது திருமண உதவித் திட்டத்திற்கு ரூ. 25 ஆயிரம் வழங்குகிறார்.

1,50,000 மகளிர் சுயஉதவிக் குழுக்களுக்கு ரூபாய் 150 கோடி சுழல் நிதி.

மகளிர் ஆணையத்திற்கு சட்டபூர்வ அங்கீகாரம் (Statutory Status)

கர்ப்பிணி பெண்களுக்கு உதவித் தொகை எனத் தொடர் சாதனைகளையும் திட்டங்களையும் நிறைவேற்றி வருபவர் தான் தலைவர் கலைஞர்.

 ஐ.நா சபையில் முதல் பெண் தலைவராக விளங்கியவர் விஜயலட்சுமி பண்டிட், முதல் பெண் ஆளுநர் கவிக்குயில் சரோஜினி நாயுடு, தேர்தலில் பெண்களின் வாக்குரிமைக்காக முதலில் குரல் கொடுத்து சட்டமேலவையில் இடம் பெற்றவர் முத்துலட்சுமி ரெட்டி அம்மையார் ஆவார். முதல் பெண் பிரதமர் இந்திராகாந்தி அம்மையார். சமுக தொண்டிற்காக பாரத ரத்னா விருது பெற்ற அன்னை தெரசா என பெண்களுக்கு பெருமை சேர்த்தவர்கள் பலர் உண்டு.

இதைவிட சிறப்பான எடுத்துக்காட்டு தேவையில்லை. தலைவர் கலைஞர் ஆட்சியில் பெண்கள் பெருமைப்படதக்க வகையில் சிறப்பான முன்னேற்றம் பெற்றுள்ளனர். 

பெண்களின் முன்னேற்றத்தை அடிப்படையாக கொண்டு ஆட்சி நடத்துபவர் தான் தலைவர் கலைஞர். ஒரு சமுதாயத்தின் முன்னேற்றமும், நாட்டின் முன்னேற்றமும் பெண்களின் முன்னேற்றத்தையே அடிப்படையாக கொண்டுள்ளது. எனவே, வாக்கு என்ற ஆயுதத்தை பயன்படுத்தி, வாழ்க்கையையும், நாட்டையும் வளமாக்க வேண்டும் என உங்களை அன்போடு கேட்டுக்கொள்கிறேன்